-og kulda setter inn..

Vi har usedvanlig kalde dagar på vestlandet, ned i minus 10 her ved kysten er temmelig uvanleg! I natt var kaldaste novembernatt i Bergen på over 100 år-melder Bergens Tidende i dag..

Då er det godt å kunna fyra i peisen-og slett ikkje dumt å ha ein morfar som sel ved på si :)

Og for frysepinnar, som meg sjølv, er det fint å kunne ta på gode, heimestrikka labbar! Takk til Tante Bjørg, farmor & Sigrid G som har fylt opp labbekorga vår med labbar til både store & små føter!

Ta ein kikk innom på guttelus-bloggen!

Endelig nokon som har sett at det ligg eit stort marked der ute! Butikkane bugner over av ting & tang til små og store jenter-medan det kan verke som om innkjøparar heilt har gløymt alle dei små og store gutane vi er so heldige å ha i livet vårt :)

Ta ein kikk sjølv på Guttelus-bloggen :)

Bæretøy-Meitai!

Som de som føl med på bloggen min veit, har vi hatt familieforøkelse-veldig stort å få oppleva enno ein gong! Denne gongen har vi fått ei virkelig kosejente-ho vil helst bærast heile tida,og byssast i søvn, og vaknar straks ho vert lagt ned.. Ikkje so lett å få gjort andre saker då, som å blogge, hekle, lese bøker eller vaske kler.. Det meste blir vanskeleg med, bokstavleg talt, hendene fulle-:)

No har mor gått til innkjøp av meitai-eit asiatisk bæretøy, der baby/barn kan kjenne varme fra den som bærer, bevegelser og kjent&trygg lukt.

Vesla har berre brukt den i to dagar-men det er tydeleg at dette liker ho!

Har funne fleire gode stader på nettet med oppskrift på å sy sin eigen meitai,her fra tettintill.no . Ellers har eg planar om å sy dekor ytterplagg i retrostoff, til den eg alt har! Mykje enklare å feste enn eg frykta er den og! På YouTube kan du finne fleire fine videoar over ulike bæremåtar til nyfødt, 3 mnd, 6 mnd og større barn :)

Sommardraumar!

Det bles kring hushjørnet på Krokeide i kveld, vi har fyrt i peisen for andre gong denne sesongen, mor tenner levande lys og far kvernar kaffebønner-det luktar herligt i heile huset! Kaffi er godt og skapar god stemning året rundt-og lukta av fersk kaffi får meg til å lengte til sommartorpet i Sverige..

Vi har hverken strøm eller innlagt vatn i sommerstova-so der lagar vi sterk og god kokekaffi på brønnvatn. Men innimellom vert lysten på is til kaffien for sterk og vi reiser inn til Vansbro og byens vesle Bakeri&Konditori. Her er nokre glimt frå i sommar!

Kafèdelen har eit overbygd uterom der vi nyt kaffi & is-uansett vær!
Og jammen smakar det med kaffi og is i peisvarme og hauststorm på Krokeide og :)

Hekleprosjektet er i gang ;)

Har hatt besøk av mi kjære tante B, vi koste oss med herlig lunch, byssing av vesla, og ikkje minst HEKLING ! Har laga små dokkepledd sett saman av bestemorsruter, saman med mamma og søster mi, for mange år sidan, men ikkje halde kunnskapen vedlike.. Eit av ønskene mine no i permisjonstida har vore å oppdatere seg på hekling, og det kjennes veldig bra ut at no er eg i gong! Det vart mykje repitering og spørsmål om ulike masker; "Korleis laga eg no eigentleg ei luftmaske, stav, fastmaske igjen?" frå meg, men TanteB forklarte og viste stor tolmodighet med meg!

Bilde lånt fra Carinas craftblog :)

Det går ikkje fort med meg, men i kveld klarte eg faktisk å sjå at eg hadde gjort feil i eine omgangen, tok opp att og fekk ruta rett til slutt-og det er jo ikkje lite berre det! Fekk eit innfall i kveld, og søkte på hekling på YouTube.com, og jammen hadde dei ikkje filmar av korleis hekle ei rute mm, veldig kjekt å ha til repitering, når ein ikkje nett har nokon å spørre der og då!

Daisy granny squares by Molly Severtson på Flickr.com..


Kanskje eg om ei stund kan klare noko slikt som dette over, frå Mollys ?

Du kan klikke på linken her: Hekleskolen viss DU har lyst til å lære meir :)

Haustfargar:

Vi nyt fantastisk fine haustdagar på vestlandet denne helga, og tenk; Det skal visst vare heile veka :)

Eg har lappa dekk på den gode gamle barnevogna, so no har vi vore på trilletur i sola, og vesla søv so godt at mor kan få tid til litt anna; Les rydde hus, ta ein kopp kaffi, bla i avisa og blogge..

Mannbrann har fått ein god kompis på besøk og dei held på med siste bit av "Det store terrasseprosjektet".. Det var tenkt som eit lite sommarprosjekt, i tillegg til maling av soverom og nye gelender til trappa inne, men det vart eit mykje større prosjekt enn vi trudde.. Støyping av fundament, herding, regnvåte plank, you name it, det meste har tatt tid..Vi brukte to veker ekstra av sommarferien på det, og drog rett og slett på ferie utan at det vart ferdig, fordi hverken ungane eller vi hadde tolmodighet til å vente lenger med å komme på reis. Gelender på trappa inne er utsatt til i vinter. Men soverommet vart no malt, med god hjelp av yngste bror min :) Han hadde aldri malt noko før, og eg trur kanskje at eg har avskrekka han frå å mala panel for temmelig lang tid..

Derfor har mannbrann måtta ta terrasseprosjektet igjen no på hausten, om dagane etter jobb, og det er jo ikkje alltid like motiverande.. Øspøsregn i fleire veker, mygg, meg høggravid og no fødsel & barseltid har heller ikkje bidratt til at prosjektet har gått noko særligt på fram.. Difor bit eg berre i meg at det er søndag, kviledag og dagen for tur i skog &mark med familien. Eg og ungane kosar oss her heime med diverse små prosjekt som å lese, tegne og male, og dei held på med leik kring huset, medan terrassen veks :) Heldigvis ligg vi slik til at vi ikkje sjenerer naboane i helgefreden...

Eg tek husmorrolla på alvor, og passer på at arbeidsfolka får iste og forfriskningar. Eit godt tips eg har funne inne hjå Martha er rett & slett å fryse frukt i bitar, frukt-isbitane er godt til is, aleine eller i fruktdrikk..

Eg har og fått rydda litt i dei stakkars blomebeda mine, som ikkje har fått mykje stell no når eg har vore dårlig.. Fint med slike dagar!

Overvintre pelargonia-Tips?!

Hadde ikkje heilt hellet med meg i fjor, då eg lot palargoniane flytte ned i kjelleren for vinteren. Veit ikkje heilt kva som gjekk gale, men eg trur det vart for mørkt og fuktig på vaskerommet vårt? Alt visna iallefall...No ser eg at fleire av pelargoniane som har pryda uteromma våre i sommar visnar, og vert gule i blada, sjølv om nokre av dei er full av knoppar og nok vil glede oss ei stund til :)

Kan dei stå ute heilt til frosten kjem?

Hadde alt flytta dei til ein skjerma, solfylt del av hagen, men no har det regna fleire veker i strekk her i Bergen. I dag har eg flytta dei inn under taket på eine terrassen, slik at dei ikkje skal verta for våte. Stemmer det at dei vert gule av for mykje regn?

Veit at tanteB har hatt god erfaring med å la pelargoniane sine overvintre på eit kjøligt soverom, so kanskje det er verdt eit forsøk?! Einaste minus er at alle soveromma våre er i dagleg bruk, og det luktar jo ganske sterkt av pelargonium..

Bør dei klippast ned først? Eller klipper eg berre det som visnar, etterkvart?

Sparsom vatning, eller kan dei dø av tørst då?

Glad for tips, om nokon har gode erfaringar :)

Nydelege strikkaplagg til baby!

Eg puslar litt med tanken på å sy små søte barneplagg på den nye (men gamle) symaskina mi...Satsar på å få det til no i permisjonstida :) Hekling har eg og planar om å ta opp att .. Riktignok ikkje i lappeteppe-størrelse,eg innser mine begrensningar på handarbeidfeltet, men kanskje nokre retroinspirerte gryteklutar eller eit lite koseteppe til babyvogna..



Denne nydelege hentedrakta, frå tanteB si hand, hadde vesla på seg då vi drog heim frå klinikken torsdag kveld..

-Gjett om eg var takknemlig for at ultralyden vist rett kjønn! Ellers hadde guten fint måtte gått i denne, tjihi.. Neida, flotte drakter i babyblått har eg teke godt vare på etter Storebror..

Men når det gjeld strikking har eg det store privilegium å vera omgitt av familie &vener som bidrar med det eine vakre plagget etter det andre, særlig må her nevnast kjære tanteB som strikkar til alle barna i den etterkvart temmelig talrike storfamilien vår!! Hjarteleg takk!

Denne skjønne kjolen har vesla fått frå nabo JorunB

Frå mormor&morfar har vi fått dette flotte teppet frå Oleana, det ligg ho på på sofaen i stova og etterkvart vert det kose&krypeteppe for vesla.

Ny baby & haustsol i Bergen!

Endelig er ventetida over! Stolt Storesøster og Storebror henta heim mamma & veslesyster frå Haukeland sykehus i går kveld..Då vi kom heim med vesla, fyllte denne vakre lilla klematisen hagen,som i dag ligg bada i varmande haustsol!

Vesle prinsessa vår!
Vaken & klar :)

Mykje energi må til når ein har ei som skal die døgnet rundt :)

No gler heile familien seg over at eg vert friskare for kvar dag som går !

Gode haustdagar ynskjer vi deg!

Nytt snop frå BlafreDesign & Tinkafu!

Ja, lenge sidan sist!! Barn i magen, kombinert med ferie, gir seg utslag i laber aktivitet på bloggfronten, men no er permisjonen i gang, og det roar seg litt ned her heime :) Må dessutan ta det roligt om dagen og forsøke å holde blodtrykket nede.
Men i dag etter levering på skole og i barnehage tok eg meg ein tur til Nesttun. Planen var å få tak i Myggnetting til barnevogn. Har rota vekk eller lånt vekk det gamle, og hugsar ikkje til kven. No hadde eg sett eit frå Tinkafu, med rosa prinsessekroner, og då duger det jo ikkje med eit ordinært svart eller kvitt til under halve prisen. Hm. Vel, det får no so vere, når eg tek i bruk att den gode gamle Simovogna mi, som har vore brukt til fire barn, får eg vel spandere eit nytt myggnett :) Fann det på Biteringen til 298.-

På Nesttun har dei mellom anna ein flott barnebutikk, Mitt Rom, som bugnar over av kreative gåveidear, klær og bruksting til barn. Dei hadde fått inn dei nye termosane til Blafre, har kikka på dei ei stund, og med tanke på fine haustturar med kakao i sekken vart det kjøpt inn ein til både Storesøster og (snart) Storebror:

Med ynskje om ei fin haustveke!!

Glimt frå "nye" soverommet vårt!

Ikkje so mykje nytt interiørmessig, men jammen vert det heilt annleis med lyse veggar i stadenfor det gule panelet-gler meg alt til å koma heim frå ferien.. Kjekt å kome heim til lyst, ryddigt og fint hus!

Innimellom regnbygene..

Vi regnar nesten vekk her i Bergen om dagane, men det er vi jo forsåvidt vant til :) Berre so synd at alt regnet kjem midt i ferievekene .. Vi held på med ting & tang i og kring huset-regntøy & støvlar er kjekt å ha! Og vi slepp no å vatna i hagen!

Men innimellom hender det at sola viser seg fram-og då er få stader grønare og vakrare! God sommar til deg der du er, i sol eller regn!

Prosjektet..

Då har vi alt hatt fri frå jobb ei stund, men det er ikkje blitt "ferie"heilt enno, i forstand av reise, sol og avslapping..




Puh-ikkje berre lett å halda ungane skadefri på ein slik byggeplass, nokre skrubbsår har det blitt.. Men so må dei jo nesten få lov til å snekre litt "som pappa" med minihammer, småspiker og plankebitar..

Og so er det kjekt å sjå at huset tek form, gler meg til vinter med lyst soverom, nytt inngangsparti som no er på "rett side" i forhold til veg og garasje. Ny inngangsdør, sidan den gamle var vindskeiv og trekkfull, og ny terrasse som gjer at vi slepp å få smågrus inn i huset heile tida.

Mitt bidrag i oppussinga har stort sett vore å sysselsette barna, lage mat og prøve å halde dei ikkje direkte involverte romma nokolunde ryddige (og det er ikkje berre berre...) innkjøp og valg av maling, SENSE, i fargen "skumring" som er nesten heilt lys grå. Litt av malinga har eg og stått for, i den grad eg har klart det, med vondt bekken & stor mage.. Med mange kvilar, og god hjelp frå min greie lillebror er rommet blitt ferdig malt :)

"Gje bort" hjå Den Røde Oase!

Bli med du og! Her er mykje fint å få tak i hjå dei. Du kan kikke inn på Den røde oase via denne linken!

Reglene er som følger :

1 lodd for kommentar på Den Røde Oase.

2 lodd for kommentar og link på din egen blogg.

3 lodd for kommentar, link og følger.

Og trekninga skjer 1.august

Noko godt i vente :)

Superglad !

Snille snille bloggeren på VÅRGLAD, har teke av si tid til å hjelpe meg!

Ho har kopiert opp bruksanvisninga til symaskina si (320, med same manual som denne 310) & sendt henne til meg i posten! Hjarteleg takk!!

Eg har alt funne ut, etter berre 10 min, at eg har A. tredd feil. B sett holdaren for tråden feil veg..C ikkje forstått at knappen for å skifte søm IKKJE skal trykkast inn for å skifte søm.(Trudde kanskje den var ødelagt..) D. sett holdaren for undertråden feil veg..

Hehe. so denne trong eg verkelig :) Til mitt forsvar; Har jo sydd eindel på maskin, men då kun på ei enno eldre Bernina-maskina (som tilhøyrde farmor mi), og den er heilt ulik på dei fleste innstillingar og utformingar.. Dei andre maskinene eg har møtt i jobbsamanheng, 20 år gamle Husquarna, er og ganske ulike..
No treng VÅRGLAD hjelp, med litt teknikk for skifte mellom ulike maler-og som de har forstått er ikkje teknikk mi sterkaste side.. Ber derfor om at denne gode hjelparen min kan få hjelp tilbake,av nokon her inne som kan slikt! Glad og takknemlig helsing frå IngridMarie, her i gong med prøvesøm på maskina :)

Kjenner du denne?

Symaskin ha lenge stått på ynskjelista mi :)

Og no skulle skulen eg jobbar på ha maskinene inn på service.. Då reperatøren såg kva stand dei var i vart vi oppmoda om å byte ut gamle maskiner og invistere i nye.

200 kroner i inbyte kunne han tilby for dei gamle maskinene, og då sa eg at eg gjerne ville behalde ei privat. Og det fekk eg! Med løfte om service ved behov :) Ikkje det verste å bruke 200 kroner på :) Men då eg kom heim og skulle sy litt prøvesøm gjekk det opp for meg at eg ikkje kjenner denne modellen i det heile, og at eg gjerne skulle hatt ei bruksanvisning ! Nokon som tilfeldigvis har denne gamle modellen til Husquarna? SewEasy og 310 Electronic står det på ho. Viss ikkje nokon kjenner til modellen skal eg kontakte reperatøren og høyre om han har nokon bruksanvisning liggjande..

På førehand takk :)

Morgenstund..

Serviset frå Egersund-74 vart kjøpt på marked ved KarlJohansgt. i Oslo då eg var på jentetur-pruta meg greit ned i pris so det vart eit godt kjøp, og fullt i handbagasjen på heimattvegen.. Serviettane med traktormønster kjem frå Kremmerhuset.

Tidlig start på sommarens første feriedag, med sjuk veslebror som kom opp i senga vår klokka seks i dag tidleg, då ville han sjå barnetv, med 39,9 i feber, ristande og svettande... Ikkje kjekt. Men med febernedsetjande, god saft på drikkeflaska og barnetv vart morgonen ikkje so verst likevel. Fersk nykverna kaffi og Findus sine gode snurrar, frå frysedisken, til tining, og morgonavisa på mor. . Vi satsar på snarleg bedring og ynskjer god helg!

Vi nyt årstida!

Tur utan barn, med bil & ferje rett nok, til vakre Baroniet i Rosendal, treff med venner og spasertur i baronihagen. God mat& drikke (laga av lokale råvarer) fekk vi i det nye, gamle, drivhuset. Absolutt ein "måhamedseg"- aktivitet i sommar!

Herlege dagar med sol og vind, tur med båten og grilling i strandkanten-sukk- kan ein ha det bedre?! Rett nok utrulig travle dagar på jobb, med planarbeid for neste skuleår, rydding av klasserom, tømming av hyller og skuffer, flytting av innventar til nytt rom, sortering av kva som skal takast vare på i permisjonstida mi, vurdering av kva som skal lagrast heime og kva som kan stå på jobb.... Litt for mykje bæring kjenne eg i rygg og bekken no ja, men so er det jo berre to dagar til ferie :)

Og heile tre fiskar fekk vi der...

Då vert det kvile i eit par dagar før vi tek fatt på oppussingsprosjekta : Flytte inngansparti på huset, lage garderobeskap i gang, skifte rekkverk i trappa, lage arbeidsbord på barneromma og sette opp nye hyller..

Puh-men kjenner at det skal bli kjekt å få det på plass! Sjølv om eg innser at eg nok må ta meg mest av barna, og la mannbrand ta dei tyngste løfta..



Is gjer godt i varmen ;)

Fabelaktig nettbutikk!

Bildet er Linda på Plonka sitt-Ps.Fekk ikkje til å sende deg mail for å spørre, Linda, men vonar at det er ok at eg låner bildet ditt :)

Fekk eit tips om denne flotte butikken til Linda på Epla ; Plonka !

Fresht 60 og 70-tals inspirert med vakre puter, musematter, toalettvesker med mer i retro mønster.. Du kan kikke sjølv her på denne linken; http://epla.no/shops/plonka/

Sjølv har eg tenkt meg innom litt seinare i kveld og bestille ei slik rund blomstrete musematte... I gåve til meg sjølv :)

God hjelp i hagearbeidet :)

¨
Flinke store jenta vår, snart skulejente! Ho vatnar og steller med plantene :) God med kald drikke-ikkje berre blomane som treng å slukke tørsten i varmen!


Eige bed har begge barna fått seg, her tek Storesøster snarvegen opp til sitt!

Lenge sidan forrige innlegg no... det tek på kreftene å vera med veksande mage, jobb og 2 aktive gode ungar. Men dette er jo mitt vesle kreative prosjekt-som eg gjerne vil prioritera :)

Om blogginga har lagt litt nede so har ikkje aktiviteten på heimebane vore laber: Vi har planta og ordna i hagen. So no veks pelargonia, erteplantene, gulerøtene og magen min for kvar dag !